Jefferson De Assis l-aqwa skorer tal-kampjonat b’20 gowl

INTERVISTI:

‘Dejjem emmint li kellna biex nirbħu l-Kampjonat b’dan il-mod’

• Joseph Portelli, President Ħamrun Spartans FC

‘Minn dejjem emmint f’dan il-grupp ta’ players u llum qed nieħu l-premju ta’ dak li ħdimt għalih’ Dawn kienu l-ewwel kliem li lissen il-President ta’ Hamrun Spartans Joseph Portelli hekk kif it-tim tiegħu ġie mogħti t-trofew tar-rebħ tal-Kampjonat wara l-aħħar logħba kontra Gudja United. Portelli kompla hekk. ‘ Kien hemm għaqda kbira fost il-players u l-istaff tekniku u dak kien kruċjali. Iżda minbarra dan kien hemm għaqda kbira fost il-membri tal-kumitat u l-grupp ta’ mijiet ta’ volontiera li b’hekk kompla jagħmel ix-xogħol tagħna aktar faċli. Dejjem emmint li kellna biex nirbħu l-Kampjonat bil-mod kif irbaħnih.  Diżappunt biss li tlifna dik il-logħba kontra Żebbuġ Rangers għax kieku konna nirbħu l-Kampjonat mingħajr telfa. Imma mill-banda l-oħra dak huwa s-sabiħ tal-futbol. Issa l-attenzjoni tagħna hija mmirata lejn il-kompetizzjonijiet tal-Ewropa fejn jibqa’ t-tir tagħna li mmorru pass oltre’ minn dak tas-sena l-oħra fejn nikkwalifikaw għall-fażi tal-gruppi.’

‘Din kienet l-aħħar partita tiegħi ma’ Hamrun’

• Branko Nisevic, kowċ Hamrun Spartans FC

‘Ninsab kuntent li wasalna li rbaħna l-Kampjonat b’dan il-mod. Kelli grupp ta’ players tajbin u magħqudin fejn dejjem imxew mal-pjan tattiku tiegħi’ Hekk ikkummenta l-kowċ ta’ Hamrun Spartans Branko Nisevic fi tmiem il-partita kontra Gudja United. Nisevic tkellem ukoll dwar il-futur tiegħu fejn stqarr dan. ‘Din kienet l-aħħar partita tiegħu fit-tmexxija tat-tim Hamruniż. Ftit tal-ġimgħat ilu l-Kumitat ta’ Hamrun Spartans wasal għal din id-deċiżjoni li minkejja li  ma’ nafx x’inhi r-raġuni imma nirrispettaha. Nemmen li ser ikun hawn players li jitilqu u players ġodda li jingħaqdu mal-klabb tal-Ispartans. Naħseb li jekk jagħmlu x-xogħol t-tajjeb b’xi ftit tibdil, dan it-tim jinsab lest sabiex jikseb post fil-fażi tal-gruppi fl-Ewropa. Rigward il-futur tiegħi għadu kmieni biex niddeċiedi dwar dan imma tibqa’ dejjem il-ħolma li mmur nikkowċja barra minn Malta.’

LOGĦOB LI JMISS

IZIBET FA TROPHY

It-Tlieta 25 ta’ April, 2023

Stadium Nazzjonali:

7.00pm – M’Xlokk vs Gżira Utd.

L-Erbgħa 26 ta’ April, 2023

Stadium Nazzjonali:

7.00pm – B’Kara vs Mosta