Tifel qed isofri ġrieħi gravi wara li ttajjar minn vettura fi Triq Alamein f’Pembroke. L-inċident seħħ għall-ħabta tas-7pm tal-Ġimgħa.
Fi stqarrija l-pulizija qalu li minn fuq il-post irriżulta li tifel ta’ 11-il sena intlaqat minn vettura tip Dacia li kienet qed tinstaq minn żagħżugħ ta’ 26 residenti l-Fgura.
It-tifel ingħata l-ewwel għajnuna fuq il-post u ttieħed l-isptar Mater Dei b’ambulanza fejn hemm ġie ċċertifikat li weġġa’ gravi.
