Il-kawża ta’ libell ippreżentata mid-Deputat Parlamentari Rosianne Cutajar kontra l-ġurnalist Mark Camilleri ġiet differita għal Ottubru wara li Cutajar, li kellha tixhed il-Ħamis, naqset milli tattendi għal raġunijiet mediċi. Cutajar kienet fetħet kawża ta’ libell għad-danni fuq post ta’ Camilleri fuq Facebook, fejn allega li meta kienet deputata tal-gvern Laburista aċċettat ħlas mingħand Yorgen Fenech bi tpattija talli hija ddefenditu minn allegazzjonijiet ta’ korruzzjoni filwaqt li kienet ikkritikat ix-xogħol investigattiv li għamlet Daphne Caruana Galizia.
Yorgen Fenech jinsab mixli li organizza l-qtil tal-ġurnalista Daphne Caruana Galizia. Il-post fuq Facebook jikkondividi ma’ dak li Camilleri li kien għamel fil-ktieb tiegħu A Rent-seeker’s Paradise, li fih stqarr li Yorgen Fenech kien involut f’relazzjoni intima ma’ Cutajar.
Camilleri sostna fil-kitba tiegħu li Fenech “taha flus korrotti bil-pretenzjoni li tgħinu biex jiffirma kuntratt ta’ proprjetà”. Is-silta tgħid: “Waqt li Cutajar kienet qed tgawdi l-ħin tagħha ma’ Fenech fuq il-post tax-xogħol, kienet qed tnaqqas ir-rispett tal-memorja ta’ Daphne Caruana Galizija kemm fil-parlament kif ukoll barra filwaqt li tiddeffendi u tapoloġiżża lill-Gvern ta’ Joseph Muscat anke wara s-17-il rivelazzjoni ta’ Black.”
Wara li l-każ kien ġie ppreżentat, Camilleri kien ippubblika traskrizzjoni sħiħa ta’ konversazzjonijiet fuq WhatsApp mhux editjati bejn Fenech u l-MP dak iż-żmien Laburista fuq il-websajt tiegħu, u kixef id-dettalji tar-relazzjoni tal-koppja. Cutajar kienet naqset ukoll milli tattendi għas-seduta preċedenti, meta kellha tixhed.
Il-każ kien ġie differit għal Ħamis, 4 ta’ Mejju għall-istess għan, iżda meta ssejjaħ il-każ, l-avukati tagħha Edward Gatt u Mark Vassallo infurmaw lill-Maġistrat Rachel Montebello li l-klijenta tagħhom ma setgħetx tattendi għal raġunijiet mediċi, u esebixxew nota tat-tabib f’dan is-sens.
