Colin Schembri
Luxol…………………….83
Starlites Mazars…..22
(26-5)(8-8)(30-3)(19-6)
Il-qawwa ta’ Luxol f’din il-kategorija hija evidenti kif juri l-iskor tal-ewwel finali kontra Starlites Mazars 83-22 fejn Luxol kienu dominanti kif tista’ tgħid kienu matul l-istaġun kollhu. Ir-riżultati miksuba mill-players ta’ Roderick Vella huma l-konferma ta’ dan u fil-fażi finali ma kienx eċċezzjoni saħansitra bi players li diġa rajnijhom jilgħabu fil-kampjonat nazzjonali ma’ Santino Coppa. Players bħal Sarah Sciberras, Jada Said, Sarah Fenech Pace u Shanice Farrugia diġa daqu wkoll ħin fl-għola diviżjoni. Starlites kienu mingħajr Lexi De Martino u dan kompla jagħmel l-affarijiet aktar diffiċli għalijhom. Intant fl-ewwel sessjoni kien hemm diġa bidu qawwi minn Luxol li għamlu l-ewwel 16 -il punt mingħajr risposta fosthom trippla ta’ Vanya Baldacchino flimkien ma’ punti minn Said, Farrugia u Fenech Pace. L-ewwel punti ta’ Starlites ġew minn Ylenia Ferrando flimkien ma’ Maria Vella però Luxol temmew l-ewwel sessjoni 26-5 minn fuq. Fit-tieni taqsima r-ritmu naqas hekk kif wara trippla fuq kull naħa minn Said u Philippa Riolo, ftit li xejn saru punti biex Luxol daħlu jistrieħu 34-13 minn fuq.
Wara l-intervall, l-istorja kienet differenti hekk kif Luxol reġgħu ħarġu agressivi u għamlu 15 -il punt mingħajr risposta ħafna minnhom minn Baldacchino flimkien ma’ Fenech Pace. Reġa’ kien basket ta’ Ferrando li waqqfilhom ir-run iżda malajr waslet run oħra ta’ 15-1 minn Luxol għal skor ta’ 64-16. Il-bidu tal-aħħar sessjoni l-logħob kien bilanċjat b’punti fuq kull naħa bil-Luxol ikollhom żewġ trippli minn Farrugia u Said. Luxol temmew il-partita b’run oħra ta’ 11-0 fosthom trippla oħra ta’ Baldacchino biex ħarġu rebbieħa 83-22.
Luxol: Gwen Carabott 5, Rebecca Fenech Pace 2, Sarah Sciberras 4, Jada Said 11, Ella Abela 8, Sarah Fenech Pace 19, Shanice Farrugia 11, Vanya Baldacchino 23, Chloe Schembri.
Starlites Mazars: Ylenia Ferrando 8, Philippa Riolo 9, Giulia Cacciatore, Maya Chircop, Angelica Mangianello, Martina Costa 4, Andria Buckwell, Francesca Vella, Maria Vella 1, Lexi De Martino.
Referees: Gordon Barbara, Nicky Azzopardi, Gianfranco Russo.
