Is-Sibt filgħodu l-President Ukren Volodymyr Zelensky beda żjara fil-kapitali Taljana fejn iltaqa’ mal-President Sergio Mattarella kif ukoll mal-Prim Ministru Giorgia Meloni fejn iż-żewġ mexxejja tennew is-sostenn kollu tal-Italja matul din l-invażjoni mir-Russja
Waqt dawn il-lagħat Zelensky irrigrazza lill-Italja għall-appoġġ kontinwu tagħha f’din il-gwerra kif ukoll għall-assitenza militari. Huwa qal li l-Italja minn dejjem kienet u għadha fuq in-naħa t-tajba u fuq in-naħa tal-verità.
Fost sigurtà kbira ta’ iktar minn 1,000 pulizija madwar Ruma… mal-wasla tiegħu f’ajtuport militari huwa nltaqa’ mill-Ministru Taljan għall-Affarijiet Barranina Antonio Tajani. Tajani qal li l-Italja se tkompli tagħti s-sapport kolu tagħha lill-poplu Ukren u se tkompli tisħaq fuq aktar paċi filwaqt li tkun salvagwardjata l-indipendenza tal-Ukrajna.
Aktar tard waranofsinhar, Zelensky kellu laqa’ mal-Papa Franġisku… l-ewwel laqgħa li saret bejn dawn iż-żewġ mexxejja mill-bidu tal-invażjoni Russa f’Ukrajna. Il-Papa ta’ spiss qal li l-Vatikan lest li jaġixxi bħala medjatur fil-kunflitt bejn ir-Russja u l-Ukrajna.
Però r-relazzjoni bejn l-Ukrajn u l-Vatikan mhux dejjem kienet waħda faċli. Dan hekk kif f’Awissu li għadda, l-Ambaxxatur Ukren għall-Vatikan kien ikkritika lill-Papa wara li rrefera għall-mewt ta’ Darya Dugina, bint sapporter ta’ Vladimir Putin, li ntqatlet permezz ta’ karozza bomba, bħala vittma innoċenti ta’ din il-gwerra.
Din iż-żjara f’Ruma saret wara li r-Russja wettqet mewġa ġdida ta’ attakki mill-ajru fuq Kyiv u bliet oħra Ukreni matul il-lejl bejn il-Ġimgħa u s-Sibt.
U wara l-aħbar li Zelensky twaqqaf milli jagħmel diskors qasir waqt il-Eurovision Song Contest, kienu bosta dawk li urew solidarejeta mal-President Ukren fosthom il-Prim Ministru tar-Renju Unit Rishi Sunak kif ukoll Boris Johnson.
Intant membru tal-Parlament Russu kif ukoll sitt itfal indarbu minn missili li kienu sparati mill-Ukrajna… bl-awtoritajiet ta’ Luhansk qalu li żewġ rockets ikkawżaw ħsara kbira lil numru ta’ fabbiriki li ma jintużawx. U fl-aħħar sigħat truppi Ukreni sparaw rocket ieħor lejn truppi Russi li jinsabu fir-reġjun ta’ Zaporizhzhia.
