AĠĠORNATA: Isofri ġrieħi ħfief iż-żagħżugħ li kien involut f’inċident f’Santa Venera

Iż-żagħżugħ li kien involut f’inċident f’Santa Venera sofra minn ġrieħi ħfief.

ll-ħabta seħħet fi Triq il-Ferrovija għall-ħabta tat-8:15am bejn karozza tat-tip Suzuki Swift misjuqa minn mara ta’ 30 sena minn St Venera u Volkswagen misjuqa miż-żagħżugħ ta’ 21 sena minn Naxxar.

Fil-post issejjaħ tim mediku mill-Isptar Mater Dei. Iż-żagħżugħ kellu jinħareġ mill-vettura bl-għajnuna ta’ tim mediku hekk kif kien mitluf minn sensieh.

Huwa ttieħed l-isptar għal aktar kura fejn hemm ġie ċċertifikat li sofra minn ġrieħi ħfief.