Għal sena oħra fl-aħħar ġimgħa ta’ Mejju il-Munxar qed jilbes il-libsa ta’ festa biex flimkien jiċċelebra l-festa ta’ San Pawl Nawfragu.
Għal din is-sena is-Sezzjoni Żgħażagħ Pawlini Munxarin qed tħejji baraxx t’attivitajiet u inizjattivi innovattivi u oriġinali għal kull min iżur lil dan ir-raħal pittoresk tal-Munxar.
L-ewwel attivita hija l-Festa Tfal li din is-sena se ssir fl-20 ta’ Mejju, eżatt wara il-ħruġ tal-vara min niċċa b’marċ kollu dedikat għat-tfal. It-tfal se jerfgħu l-istatwa żgħira ta’ San Pawl, li mbagħad tittella’ fuq il-pedestall fi Triq Dun Spir Gawci.
Il-Ġimgħa 26 ta’ Mejju nassistu għall-Marċ Ta’ Dimostrazzjoni – marċ brijuz li jibda minn Triq Munxar u jibqa’ tiela sa fejn iċ-Ċentru Parrokkjali fejn hemm nassistu ghal-f feature awdjo-viżiv. Waqt dan il-marċ se jiżżanżnu wkoll sett t’erba’ bandalori artisitċi li jikkumplimentaw it-Triq Madonna tal-Karmnu. Il-marċ jibqa’ sejjer sal-pjazza fejn hemm jitla’ fuq il-pedestall monumentali li se jiġi inawgurat għall-ewwel darba.
Dritt wara jsegwi in-nar tal-art bi Gran Finale ta’ wirja tan-nar sinkronrizzata mal-mużika.
Is-Sibt 27 ta’ Mejju fid-9pm wieħed jista’ jassisti għal spettaklu ta’ nar sinkronizzat mal-mużika bl-isem ta’ Light Up The Sky – Let’s Rock minn Triq l-Andrijiet. Eżatt wara jjun hemm marċ brijuż min Triq l-Andrijiet li jasal sa fejn iċ-Ċentru Parrokkjali . Hemmhekk nassistu għal spettaklu awdjo-viżiv u 3D mapping bl-isem ta’ Sky Full of Stars.
L-iktar jum mistenni hu dak tal-Ħadd 28 ta’ Mejju fejn fis-7.30pm nassistu għall-ħruġ solenni u devot ta’ San Pawl Nawfragu bid-daqq tal-Innu il-Kbir miktub min Mons Ġużepp Agius li ħalliena ftit tal-gimgħat ilu. Wara nassistu għall-purċissjoni solenni li ddur mat-toroq tal-Munxar. Il-purċissjoni tilħaq il-qofol tagħha mal-wasla tal-vara fil-pjazza bi spettaklu ieħor ta’ logħob tan-nar tal-ajru.
