Il-Ħadd mill-10 ta’ filgħodu l-quddiem, ser tiġi organizzata ‘Festa Rebbiegħa’ fiż-żona tal-Maqluba l-Qrendi.
Din ser tkun attività organizzata mill-Partit Nazzjonalista għall-familja kollha b’bejgħ ta’ frott, ħaxix u fjuri, ikel, xorb u varjetà għat-tfal u l-adulti bħal tombla, dawriet bil-ferrovija, mixjiet kulturali u spettakli ta’ divertiment.
Net News tkellem mal-Assistent Segretarju Organizattiv tal-Partit Nazzjonalista, Stefan Caruana, dwar l-aħħar preparamenti għal din l-attivita’.
L-attivita’ ser tibda b’quddies fl-10:30 ta’ filgħodu fil-kappella tal-Maqluba. Fejn imbagħad fil-11:30 se jkun hemm intervista mal-kap tal-Partit Nazzjonalista, Bernard Grech.
