Raġel ta’ 57 sena weġġa’ gravi wara li pprova jaqbeż minn tieqa hekk kif issakkar barra mill-appartament tiegħu.
L-inċident seħħ l-Erbgħa għall-ħabta tat-7:45 ta’ filgħodu fi Triq il-Markiża Buġeja f’San Pawl il-Baħar.
Il-Pulizija marret fil-post u minn investigazzjonijiet li saru rriżulta li raġel ta’ 57 sena kien waqa’ madwar sular għoli. Ir-raġel waqa’ wara li prova jaqbeż mit-tieqa tal-komun għall-gallarija tal-propjetà tiegħu minħabba li kien issakkar barra.
Fil-post issejjaħ tim mediku sabiex jassisti u ambulanza ħaditu l-Isptar Mater Dei għall-kura medika, fejn ġie ċċertifikat li sofra ġrieħi ta’ natura gravi.
Il-Pulizija għaddejja bl-investigazzjonijiet fuq il-każ
