Ta bil-ħaqq din hija ġurnata oħra mill-aqwa għall-isport Malti hekk kif it-tim tad-doubles tan-nisa tat-table tennis għadu kemm rebaħ midalja oħra tad-deheb, it-tielet waħda f’din id-dixxiplina f’temp ta’ 24 siegħa.
Fil-finali, il-koppja Maltija Camilla Iacob u Renata Strbikova għelbu lil Barbosa u Gonderinger tal-Lussemburgu 3-2 biex b’hekk Malta rebħet it-18-il midalja tad-deheb f’dawn il-logħob s’issa.
