Żagħżugħ ta’ 17-il sena akkużat li weġġa’ pulizija tat-traffiku wara li ntlemaħ isuq karozza, kien tella’ filmat tiegħu stess isuq karozza bil-lejl b’mobile fuq kull id waqt li jsuqha b’saqajh u dan fil-lejl ta’ qabel l-inċident. Dan ħareġ hekk kif iż-żagħżugħ, li ismu huwa suġġett għal projbizzjoni tal-pubblikazzjoni imposta mill-qorti, tressaq il-Qorti quddiem il-Maġistrat Giannella Camilleri Busuttil il-Ħamis waranofsinhar.
L-Ispettur Kevin Pulis u Gabriel Micallef akkużaw liż-żagħżugħ ta’ 17-il sena li rreżista b’mod vjolenti lil pulizija li kien qed jaġixxi fil-qadi ta’ dmirijietu, li insulenta jew li hedded lill-uffiċjal, li weġġgħu ħafif u li ma obdiex l-ordnijiet leġittimi tal-pulizija.
Huwa kien mixli wkoll li saq mingħajr liċenzja, saq mingħajr kopertura tal-assigurazzjoni, sewqan bl-addoċċ u sewqan perikoluż. L-għaxar u l-aħħar akkuża tiegħu kienet dik li naqas milli jagħti d-dettalji korretti tiegħu lill-uffiċjal tal-pulizija.
l-qorti imponiet projbizzjoni fuq il-pubblikazzjoni tal-isem jew dettalji tal-akkużat, fid-dawl tal-età tiegħu L-Ispettur Pulis spjega x’wassal għall-arrest, u qal lill-Qorti li matul il-lejla tat-30 ta’ Mejju, pulizija tat-traffiku li kien qed imexxi t-traffiku fejn il-Valletta Waterfront, il-Furjana, innota Renault Megane misjuqa minn xufier viżibilment jidher li hu taħt l-età u ordnalu biex jiġbed mal-ġemb.
Meta mitlub juri l-liċenzja, s-sewwieq għadda lill-pulizija liċenzja skaduta li kienet inħarġet lil f’isem ħadd ieħor, qal l-Ispettur. F’dak il-ħin, il-pulizija għaraf lis-sewwieq li xi jiem qabel kien twaqqaf għall-istess reat u ordnalu joħroġ mill-karozza.
Iżda flok ikkonforma mal-ordni, ix-xufier għafas l-gass u saq mill-ewwel, u spiċċa kaxkar lill-uffiċjal tal-pulizija għal distanza qasira ta’ ftit metri. Il-pulizija imbgaħd bdiet tfittxija għaż-żagħżugħ, billi wettqet tfittxijiet kemm fir-residenza tiegħu, dik tal-tal-ġenituri F’Birkirkara, kif ukoll tal-ħabiba tiegħu fil-Fgura. L-imputat ma nstabx iżda, iżda dakinhar stess filgħaxija ta’ ruħu b’idejh fl-Għassa ta’ Birkirkara.
Sussegwentement il-karozza nstabet fil-Pieta mill-pulizija. Bil-wieqfa fl-iżbarra bi driegħu tax-xellug fil-ġibs, iż-żagħżugħ ta’ 17-il sena, li qal li kien jaħdem bħala ‘car wash attendant’, wieġeb mhux ħati tal-akkużi. L-avukat difensur Mario Mifsud talab il-ħelsien mill-arrest.
Il-prosekuzzjoni toġġezzjona bil-qawwa kollha għall-pleġġ
Il-prosekuzzjoni oġġezzjonat għat-talba għall-ħelsien mill-arrest. “Id-deċiżjoni li persuna taħt arrest titressaq il-qorti hija tal-pulizija u tittieħed wara li jiġu kkunsidrati ċ-ċirkostanzi u l-evidenza disponibbli għaliha,” qal l-Ispettur Pulis. “Meta teħles lil xi ħadd bil-libertà proviżorja, il-qorti jrid ikollha serħan tal-moħħ assolut li l-imputat se jżomm mal-kundizzjonijiet tal-pleġġ imposti.
“Hija tal-mistħija li rridu nakkużaw żagħżugħ ta’ 17-il sena, iġġibna d-dmugħ f’għajnejna, iżda dan ir-raġel għandu sfond ta’ sewqan bla liċenzja, bl-addoċċ u anke perikoluż,” qal l-Ispettur filwaqt li żied li ż-żagħżugħ ċarament ma tgħallimx il-lezzjoni tiegħu minkejja li kien twaqqaf minn uffiċjali tal-pulizija waqt li kien għamel l-istess fil-passat.
Biex turi l-attitudni xejn pjaċevoli taż-żagħżugħ, qal l-ispettur – fil-lejl ta’ qabel l-inċident kien tella’ filmat fuq il-midja soċjali, li fih kien qed isuq karozza bil-lejl, iżomm mobike f’kull id u jsuq l-vettura b’saqajh. Filwaqt li qal li l-aġir ta’ l-imputat, anke jekk mhux tort tiegħu, x’aktarx kien ikkontribwixxa għall-imġieba tiegħu.
L-ispettur qal ukoll li jista’ jkun ta’ periklu kbir għas-sigurtà pubblika jekk jinħeles fuq garanzija, u ssuġġerixxi li jinżamm fil-Young Offenders Unit (YOURS) jekk jinżamm arrestat. L-avukat difensur Matthew Xuereb beda s-sottomissjonijiet tiegħu dwar it-talba għall-ħelsien mill-arrest billi qal li ħafna mill-akkużi kienu jittrattaw reati tat-traffiku.
Il-Maġistrat iżda interrompiet lill-avukat biex jirrimarka li l-ewwel erba’ akkużi kienu jittrattaw reati vjolenti kontra uffiċjali tal-pulizija. Filwaqt li saħaq fuq l-età żgħira taż-żagħżugħ, rekord kriminali nadif u li ta ruħu b’idejn lill-pulizija, Xuereb qal li l-missier anzjan tal-imputat kien għamel minn kollox biex jipprovdi gwida lil ibnu u kien miftuħ biex jipprovdi sorveljanza fuq pleġġ.
L-Ispettur Pulis wieġeb li missier l-imputat ta’ 79 sena kien qal lill-pulizija li ż-żagħżugħ kien imur fid-dar tiegħu sporadikament. “Fil-fatt, ma sibnihx hemmhekk.” L-għassa tal-pulizija lokali kienet kontinwament tgħin lill-missier bil-problemi tiegħu dwar l-imputat u t-tfal l-oħra tiegħu, żied l-ispettur, filwaqt li sostna li l-missier ma jkunx jista’ jiżgura li l-imputat ikun konformi mal-kundizzjonijiet tal-pleġġ.
Fil-kontroreplika tiegħu, l-avukat difensur Mario Mifsud beda billi rringrazzja lill-pulizija tax-xogħol siewi li jagħmlu. Mifsud sostna b’passjoni li l-akkużat kien f’salib it-toroq u li l-avukati tiegħu jistgħu jgħinuh “fil-mod kif jiggwidawh lura fit-triq it-tajba”.
Talba għall-għajnuna
“Jinsab fuq l-għatba tal-ħabs, imdendel b’ħajta. Jekk jintbagħat f’detenzjoni ta’ minorenni m’hu se jagħmel l-ebda ġid, iżda pjuttost iwassal biex jitlef il-biża’ li jispiċċa jmur il-ħabs. Irridu nuruh ftit mħabba u nagħtuh ċans, filwaqt li ngħallmuh li sejjer f’direzzjoni perikoluża,” qal l-avukat.
L-avukat sostna wkoll li l-ksur tal-pleġġ iġorr kastig aktar iebes mill-akkużi li l-minorenni kien diġà qed jiffaċċja u kien jipperikola ċ-ċansijiet tiegħu li jikseb il-libertà proviżorja f’każi futuri. Wara li semgħet is-sottomissjonijiet miż-żewġ partijiet, il-Qorti qalet li minkejja l-età żgħira tal-imputat, fiċ-ċirkustanzi u fid-dawl tar-reati serji li huwa akkużat bihom, ma kienx assigurat li se jimxi mal-kundizzjonijiet li setgħet timponi.
Il-maġistrat ordnat li l-imputat jinżamm taħt arrest preventiv fil-faċilità mħaddma mis-Young Offenders Rehabilitation Services, filwaqt li rrakkomandat wkoll lid-direttur tal-ħabs biex jiżgura li l-assistenza medika kollha meħtieġa, inkluża l-assistenza psikoloġika tkun disponibbli għall-imputat.
Il-qorti imponiet ukoll ordni ta’ superviżjoni proviżorja fuq iż-żagħżugħ, u ħeġġet lill-prosekuzzjoni biex tressaq ix-xhieda tagħha mingħajr dewmien. L-avukati Mario Mifsud u Matthew Xuereb irrappreżentaw lill-imputat.
