Raġel ta’ 57 sena ġie arrestat wara li tfittxija fir-residenza tiegħu fiż-Żurrieq wasslet għal sejba ta’ droga kif ukoll eluf ta’ flus kontanti.
Din is-sejba irriżultat f’2kg droga suspettata kokaina u 10kg droga suspettata kannabis.
Id-droga nstabet waqt tfittxijiet li saru f’residenza fiż-Żurrieq filwaqt li nstabu wkoll madwar €16,000 fi flus kontanti.
Huwa qed jinżamm fil-lockup tal-Pulizija fil-Kwartieri Ġenerali, il-Floriana, filwaqt li mistenni jitressaq il-Qorti il-Ġimgħa filgħodu għall-ħabta tal-10:30 quddiem il-Maġistrat tal-Għassa Caroline Farrugia Frendo.
//= $special ?>