Fl-aħħar ġurnata tal-Logħob tal-Pajjiżi ż-Żgħar, l-isport tal-Isparar f’Malta rebaħ midalja oħra tad-deheb u tal-fidda din id-darba fl-Iskeet tal-Irġiel. Clive Farrugia rebaħ din il-kompetizzjoni biex b’hekk rebaħ it-tielet midalja tad-deheb għal Malta f’dawn il-logħob fl-Isparar. Fl-istess kompetizzjoni, Marcello Attard rebaħ il-fidda meta temm fit-tieni post fil-klassifika finali.
