Bħal kull sena, il-Kamra tan-nar 12 ta’ Mejju ta’ Ħaż-Zebbug ser tkun qed tipprepara sabiex tagħmel il-ħarqa prinċipali tagħha nhar il-Ġimgha 9 ta’ Gunju 2023 ghal festa ta’ San Filep ta’ Aggira. Din l-esebizzjoni ser tinkludi murtali tradizzjoni bħal murtali tal-beraq pront, murtali tal-beraq ikkuluriti u murtali tal-kulur. Ser jkun hemm ukoll wirja pirotecknika sinkronizzata mal- musika. Din ser tinkludi, murtali, sfejjer, beraq, blalen ta’ kull qies u gran finale.
Din il-wirja ser tkun qed tittella min triq l-Imdina Ħaz-Żebbug u tibda fid-9.15pm.
Nhar il-Festa 11 ta’ Ġunju, se ssir wirja spettakulari ta’ nar ta’ l-ajru min Triq l-Imdina, fejn ser jinħarqu murtali tal-logħob, murtali tad-daħna, sbroffi, blalen tal-beraq u kaxxa tradizzjoni .. hekk kif San Filep jasal ħdejn il-
Kazin. Din il-wirja ser tibda fit-8.00pm u tagħlaq bil-murtali tal-beraq ikkuluriti, murtali tal-kulur u blalen kbar.
Nhar is-Sibt 10 ta’ Gunju, lejliet il-festa, il-Kamra tan-nar 12 ta’ Mejju ser taghmel il-ħarqa prinċipali
tan-nar tal-art fil-Pjazza San Filep. Bħal dejjem din il-ħarqa tikkonsisiti min biċċiet mekkanizzati, b’ħafna innovazzjoni b’inqas makkinarju u b’iktar moviment.
Din is-sena, il-biċċa prinċipali ser tkun wirja sinkronizzata mal-muzika – wirja unika li se tifforma parti mit-tapit finali. Wieħed irrid jagħmel enfasi li din ser tkun mqassma fuq disa’ arbli u ser jkollha madwar 5000 shot u hin ta’ seba’ minuti.
