Il-Papa Franġisku għadu kemm kien operat għal hernia wara li kien ilu żmien ibati bil-problemi f’żaqqu.
L-operazzjoni saritlu fl-Isptar ta’ Gemelli ta’ Ruma u mistenni li hu se jagħmel diversi jiem hemmhekk biex jirkupra mill-effetti tagħha.
Matteo Bruni, il-kelliem għall-Vatikan, qal li l-Papa, fl-aħħar jiem, kien qed ibati minn problemi rikorrenti dovuti għall-hernia u li l-operazzjoni partikulari kienet waħda ‘inevitabbli’.
Il-Kap tal-Kattoliċi, li għandu 86 sena, ilu l-aħħar snin ibati minn issues tas-saħħa u meta għal dawn l-aħħar xhur kellu anki juża l-bastun u l-wheelchair biex imur minn post għall-ieħor minħabba problemi kbar f’irkopptu.
Aktar kmieni llum, il-Papa Franġisku konkluda l-impenji tal-ġurnata fil-Vatikan mingħajr ma rrefera darba għall-operazzjoni pjanata.
U minkejja li saħħtu mgħadhiex li kienet, il-Papa qed jirrifjuta l-possibbiltà li jwarrab mit-tmun tal-Knisja minħabba raġunijiet fiżiċi – bħalma kien għamel il-Kap tal-Kattoliċi ta’ qablu, il-Papa Benedittu Sittax, fl-2013.
Fil-fatt, u ladarba jirkupra mill-effetti tal-operazzjoni, mistenni li l-Papa jkompli bl-iskeda taż-żjarat, appuntamenti u udjenzi mal-poplu – u meta mistenni wkoll li hu jżur il-Portugall u l-Mongolja matul is-sajf.
//= $special ?>