Stewart Said
MARSASKALA ESC…….. 7
SIRENS………………………… 11
(1-4), (1-1), (3-3), (2-3)
It-tieni rebħa konsekuttiva għal Sirens li tpoġġihom pass eqreb lejn post fil-Kampjonat Premier. Marsaskala offrew sfida denja iżda l-bidu kajman li kellhom swielhom qares.
Sirens kellhom l-aħjar bidu hekk kif ħadu vantaġġ ta’ tliet gowls u għalkemm Bence Batori naqqas id-distakk, Jake Cachia għamilhom 4-1. Id-distakk baqa’ ta’ tliet gowls fit-tieni sessjoni, b’Marsaskala ma ħadux vantaġġ mis-sitwazzjonijiet ta’ superjorità numerika.
Ir-reazzjoni ta’ Marsaskala waslet fit-tielet sessjoni b’żewġ gowls konsekuttivi. Wara li Sirens għamluhom 7-4, Gerald Sammut naqqas id-distakk iżda penalty ta’ Matyas Pasztor ħalla d-distakk ta’ tliet gowls għall-aħħar sessjoni. Il-logħba baqgħet inċerta sal-aħħar u kien biss f’nofs l-aħħar sessjoni li Sirens aċċertaw mir-rebħa.
Marsaskala: J. Micallef, J.C. Cutajar, G. Galea, P. Privitera (1), R. Greco, F. Salamon (2), K. Navarro, D. Tully, D. Pace Lupi, G. Sammut (1), J. Ciantar, M. Carani (1), A. Muscat, B. Batori (2), F. Scardino
Sirens: T. Micallef, P. Serracino, K. Erdogan (1), P. Figlioli, J. Zerafa Gregory (1), G. Farrugia (2), M. Chircop (1), G. Melillo, M. Cutajar (1), M. Pasztor (2), M. Sciberras, M. Azzopardi, M. Bonello Dupuis, J. Cachia (3), G. Sammut
Referees: Alex de Raffaele, Fabio Brasiliano
EXILES WELBEE’S……. 16
BARRACUDAS…………….. 9
(3-2), (6-2), (4-1), (3-4)
Exiles kisbu l-ewwel rebħa f’dan is-sajf. Fil-verità kien mistenni minnhom li jirbħu l-konfront u ma ddiżappuntawx hekk kif qatt ma kienu fil-periklu li setgħu jitilfu l-logħba. Barracudas minkejja l-limitazzjonijiet tagħhom, qed ikollhom prestazzjonijiet sodisfaċenti għall-aspettattivi tagħhom.
L-ewwel sessjoni kienet ftit bilanċjata, b’Exiles jieħdu vantaġġ minimu filwaqt li t-tnejn fallew l-uniku okkażjoni ta’ man-up. L-iktar mument importanti tal-logħba seħħ fit-tieni sessjoni hekk kif Exiles inqatgħu minn mal-avversarji b’ħames gowls konsekuttivi għal vantaġġ ta’ 8-2.
Il-vantaġġ kompla jiġi kkonsolidat fit-tielet sessjoni hekk kif Guillermo Molina, Niall Saliba, Valentino Gallo u Mark Fenech kabbru l-vantaġġ għal 13-4. Fl-aħħar sessjoni, Barracudas irnexxielhom jirbħu l-aħħar sessjoni li madankollu ma kienx biżżejjed biex jevitaw it-telfa.
Exiles: M. Castillo, Z. Cutajar Licari, L. Pursehouse, V. Gallo (5), G. Molina (2), S. Xerri de Caro (2), M. Fenech (1), K. Griscti (1), N. Paris, M. Martellacci, M. Aquilina (3), N. Saliba (2), F. Buhagiar, M. Paris Roding
Barracudas: I. Schembri, P. Caruana Turner, A. Magri, P. Micallef, D. Ciantar (1), R. Sciortino, I. Gusarov (3), R. Latinovic (4), C. Bugeja, S. Apap (1), A. Mifsud, T.J. Mifsud, L. Abela, T. Perici Ferrante, W. Ruggier
Referees: Stefan Licari, Mattia Gomez
SLIEMA FRANK SALT…… 15
TA’ XBIEX AMIGOS……….. 3
(6-1), (3-0), (4-1), (2-1)
Faċli kif mistenni għal Sliema Frank Salt li kisbu t-tieni rebħa konsekuttiva. Id-differenza bejn it-timijiet kienet evidenti, b’Sliema kkontrollaw mingħajr diffikultà.
Wara li Zach Mizzi fetaħ l-iskor, Uros Vasic ġab id-draw immedjatament. Dan id-draw gawdewh biss għal ftit sekondi għaliex Sliema reġgħu marru minn fuq u komplew ikabbru l-vantaġġ għal 6-1 sa tmiem l-ewwel sessjoni. Is-Slimiżi għamlu ċert mir-rebħa fit-tieni sessjoni bi tliet gowls mingħajr risposta.
Id-distakk fit-tielet sessjoni saħansitra kiber għal 13-1, b’Uros Vasic jiskorja għal Ta’ Xbiex wara li kienu ilhom kważi tliet sessjonijiet sħaħ ma jsibu x-xibka. Fl-aħħar sessjoni li kienet formalità, Sliema komplew jikkontrollaw anki jekk b’diversi plejers mistrieħa.
Sliema: N. Grixti, J. Gabarretta (4), L. Galea, J. Gambin (1), Z. Mizzi (1), B. Cachia (1), J. Cutajar (2), M. Mifsud, J. Brownrigg, D. Kholod (2), A. Prlainovic (1), D. Zammit, A. Bugeja, E. Schembri (2), S. Engerer (1)
Ta’ Xbiex: M. Vassallo, N. Schiavone, L. Montebello Brownrigg, L. Grech Carr, K. Grech, R. Mock, J. Saliba (1), C. Milakovic, U. Vasic (2), J. Culic, Z. Bartolo, J. Farrugia, G. Galea Curmi, M. Ortoleva, K. Agius
Referees: Mattia Gomez, Peter Balzan
Logħob li jmiss
Għada
Grupp A
Marsaskala v Exiles 6.00pm
Sirens v Barracudas 7.05pm
Grupp B
Ta’ Xbiex v Birżebbuġa 8.10pm
