Sasha Gatt rebħet l-unur tal-Atleta Żagħżugħa tax-Xahar għal Mejju. Gatt rebħet dan l-unur darbtejn oħra, f’Awwissu 2020 u Ġunju 2021.
Fil-Logħob tal-Pajjiżi ż-Żgħar li saru f’Malta Sasha Gatt rebħet tliet midalji. Hi rebħet l-ewwel midalja tal-fidda fit-800m freestyle tan-nisa u l-midalja tal-bronż fl-400m freestyle tan-nisa. Gatt kienet ukoll parti mit-tim ta’ Malta li rebħa l-midalja tal-fidda fil-4x200m freestyle relay.
L-unur tal-Atlas Żagħżugħa tax-Xahar kien preżentat minn Robert Micallef, Chief Commercial Officer u David Cassar, Business Development u Marketing Manager ta’ Atlas Insurance. Lorraine Cunningham kienet preżenti f’isem l-Għaqda Ġurnalisti Sports.
