Iċ-champions Franċiżi jinsabu viċin sabiex jaħtru l-ex kowċ ta’ Barcelona u tat-tim nazzjonali Spanjol Luis Enrique.
Enrique ilu mingħajr kariga mill-aħħar edizzjoni tat-Tazza tad-Dinja, wara li ħabbar li mhuwiex se jkompli jokkupa l-kariga ta’ kowċ tat-tim nazzjonali Spanjol.
PSG, minn naħa l-oħra għadhom ma kkonfermawx it-tluq tal-kowċ kurrenti Christophe Galtier, madanakollu l-kowċ Franċiż huwa mistenni jħalli t-tim fil-jiem li ġejjin.
PSG oriġinarjament ipprovaw jiksbu lil-ex kowċ ta’ Bayern Munich, Julian Nagelsmann, pero b’xorti ħazina ż-żewġ naħat ma laħqux qbil fuq bosta dettalji.
