It‑Tabib Louis Anthony Camilleri, xtaq li għal okazzjoni ta għeluq sninu, il-familjari u l-ħbieb tal familja jagħtu donazzjoni lid-Dar tal-Providenza.
It-tabib Louis Anthony Camilleri, iben Luigi Camilleri għalaq 100 sena fil‑15 ta’ Ġunju li għadda. L‑Erbgħa li għadda huwa ppreżenta d‑donazzjonijiet miġbura waqt quddiesa li saret fil‑kappella tad‑dar tiegħu stess.
It‑Tabib Camilleri, li għal snin twal ħadem ħafna bħala tabib tal‑familja f’Ħal Qormi, jiftakar sew lil Mons. Mikiel Azzopardi – l‑fundatur tad‑Dar tal‑Providenza – meta kienu membri tal‑Azzjoni Kattolika Maltija.
Id-Dar tal-Providenza tirringrazzja lil Louis Anthony Camilleri għad-donazzjoni tiegħu.
