Raġel ta’ 30 sena mill-Greċja qed jissielet għal ħajtu wara li aktar kmieni ntlaqat minn vettura fuq ir-rampa ta’ wieħed mill-vapuri tal-Gozo Channel.
Jidher li r-raġel intlaqat minn karozza li kienet misjuqa minn tfajla Irlandiża ta’ 26 sena, liema karozza jidher li niżlet lura.
Il-każ seħħ għall-ħabta tad-9:30am waqt li l-vapur kien se jħalli l-Imġarr lejn Malta.
Il-Pulizija qed tinvestiga dan il-każ.
