Il-prosekuzzjoni ta’ raġel ta’ 43 sena akkużat li ta daqqa ta’ sieq lis-sieħba tiegħu u li ssakkarha f’kamra ġiet nulla wara li l-vittma talbet lill-qorti biex twaqqaf il-proċeduri kontra “missier li jħobb” liż-żewġ uliedhom.
Meta l-każ kompla quddiem il-Maġistrat Abigail Critien, is-sieħba tal-akkużat talbet lill-Qorti biex twaqqa’ l-kawża kontra s-sieħba tagħha, u qalet li kien hemm biss inċident vjolenti wieħed f’25 sena li ilhom flimkien.
Ir-raġel ġie mixli li weġġa’ ħafif lill-mara, żammha kontra r-rieda tagħha, u heddidha f’inċident li seħħ fis-16 ta’ Mejju li għadda. Huwa mifhum li hu ta daqqa ta’ sieq lill-mara, qabel qafilha fil-kamra tas-sodda, wara argument dwar il-finanzi tal-koppja.
Waqt l-ewwel seduta wara li r-raġel tressaq il-Qorti il-mara infurmat lill-Maġistrat li ma riditx tixhed kontra s-sieħba tagħha u talbet li tirtira r-rapport tagħha dwar l-inċident għax kienet qed taħfirlu. Hi qalet lill-maġistrat li r-raġel kien missier li jaf iħobb u sieħeb rispettuż. Il-qorti laqgħet it-talba u ddikjarat li l-każ ma setax jipproċedi aktar.
L-Ispettur Sherona Buhagiar dehret għall-prosekuzzji filwaqt li l-avukati Franco Debono u Marion Camilleri kienu l-avukati difensuri filwaqt li l-avukat Jacob Magri deher parti ċivili għan-nom tal-mara.
