Taljan ta’ 48 sena ġie arrestat wara sejba ta’ 54kg droga f’residenza f’San Pawl il-Baħar.
Dan wara li ġranet ta’ investigazzjonijiet wasslu għal sejba ta’ madwar 54kg droga suspettata kannabis, b’valur fit-triq ta’ madwar €880,000.
Id-droga nstabet wara li l-Ġimgħa ġiet iċċirkondata residenza f’San Pawl il-Baħar u saret tfittxija.
It-Taljan qed jinżamm fil-lockup tal-Pulizija fil-Kwartieri Ġenerali, il-Floriana, filwaqt li mistenni jitressaq il-Qorti s-Sibt għall-ħabta tan-12:30pm quddiem il-Maġistrat tal-Għassa Gianella Camilleri Busuttil.
