Fi tweġiba għall-mistoqsija Parlamentari tad-Deputat Nazzjonalista Ian Vassallo, bħalissa hemm 8,791 individwu qed jistennew appuntament għall-MRI scan fl-Isptar Mater Dei.
Bħala medja, jiġu riċevuti 895 referenza ġdida għal skans MRI kull ġimgħa. Filwaqt li mhux ċar jekk il-lista ta’ stennija hix qed tikber, tiċkien, jew tibqa’ relattivament l-istess, hija xi ftit iżgħar milli kienet f’Ottubru tas-sena l-oħra, meta kienu 9,163 persuna fil-lista.
Barra minn hekk, Fearne preċedentement ikkonferma li 1,127 individwu kienu qed jistennew għal hip replacements jew intervent fl-irkoppa, b’uħud jaqbżu l-limitu ta’ żmien speċifikat fil-Patients Charter. Każijiet urġenti m’għandhomx jistennew aktar minn 8 ġimgħat, filwaqt li każijiet mhux urġenti għandhom limitu ta’ 18-il xahar.
