Jinsabu fl-aqwa taghhom il-preparamenti għal-maratona tas-sitting volleyball li se ssir fid-Dar tal-Providenza fis-Siġġiewi bħala parti integrali minn din l-inizjattiva tant importanti li ssir kull sena f’din id-Dar.
Il-maratona ser ssir bejn it-30 ta’ Ġunju sat-2 ta’ Lulju bejn it-8pm sa nofsillejl.
NET News tkellem mar-rapreżentant tal-ParaVolley Malta, Nello Calleja, dwar din l-attivita’ tas-sitting volleyball.
L-organizzaturi ħeġġew lil kulħadd jattendi l-maratona kemm biex isegwi, kif ukoll biex jipparteċipa f’dan l-isport tas-sitting volleyball, speċjalment jekk qatt ma pruvawh qabel.
Se jkun hemm ukoll numru sabiħ ta’ kantanti lokali li se jkunu qed ikantaw fuq il‑palk li se jittella’ apposta fil‑car park tad‑Dar. Il‑Ġimgħa l‑mistiedna se jkunu l‑band Zone 5 flimkien mal‑kantanti Jasmine u J. Anvil. Is‑Sibt hija mistiedna l‑Banda tal‑Pulizija taħt id‑direzzjoni ta’ Mro. Anthony Cassar bis‑sehem ta’ kantanti lokali, waqt li l‑Ħadd se jkun hemm il‑band ta’ Spiteri Lucas bis‑sehem tal‑kantanti Ludwig Galea, J. Anvil, Ivan Spiteri Lucas u Laura Bruno.
Il‑pubbliku jista’ jgħin billi jċempel fuq dawn in‑numri li qed nagħtu aktar l‑isfel, juża l‑BOV Mobile Banking jew il‑PayPal jew jagħti donazzjoni online fil‑kontijiet bankarji tad‑Dar. Għal aktar informazzjoni wieħed jista’ jżur is‑sit : www.sabihlitaghti.org
- €10 5160 2011
- €15 5170 2012
- €25 5180 2013
- €50 5190 2070
- €100 5130 2044
- Pledge Line 2146 3686
- BOV Mobile 7932 4834
