Nhar is-Sibt 1 ta’ Lulju fix-Xatt tas-Sliema l-Grupp tan-Nar Madonna tas-Sacro Cuor se jippreżenta l-ħames edizzjoni ta’ Waterflames li jinkludi vjaġġ mużikali u spettaklu ta’ logħob tan-nar, għall-okkażjoni tal-Festa Titulari tal-Madonna tas-Sacro Cuor li qed tiġi ċċelebrata f’Tas-Sliema din il-ġimgħa.
Fid-9:30pm jibda programm ta’ light and pop music mill-Banda Ċittadina Sliema fuq il-planċier fix-Xatt Tas-Sliema.
Fl-10pm tasal bil-marċ tagħha il-banda tas-soċjeta’ Filarmonica Nazionale La Valette tal-Belt Valletta u jibda logħob tradizzjonali tan-nar tal-ajru.
Fil-10:45 pm jibda’ show pirotekniku tal-ajru b’mużika sinkronizzata man-nar.
Fil-11pm imbagħad jinħaraq il-logħob tan-nar tal-art.
Wara l-Banda Ċittadina Sliema tagħmel marċ lura mix-Xatt Tas-Sliema sal-Każin tagħha quddiem is-Santwarju Marjan tal-Madonna tas-Sacro Cuor
In-nar ser ikun qed jinħadem mill-Għaqda tan-Nar Santa Marija tal-Qrendi.
