Waqt konferenża tal-aħbarijiet tqassmu l-premijiet tat-tielet edizzjoni tal-festival “Mużika Mużika” – festival li intrebaħ mill-kantant Gianluca Bezzina bil-kanzunetta ‘Sabiħa’ b’mużika ta’ Philip Vella u lirika ta’ Joe Julian Farrugia.
Fit-tieni post fl-aħħar edizzjoni ġiet il-kanzunetta ‘Jekk mhux Int’ interpretata minn Drakard u Lisa Gauci filwaqt li l-kanzunetta ‘M’hawnx Bħalek’ tal-kantanta Jasmine Abela kklassifikat fit-tielet post fl-aħħar edizzjoni ta’ Mużika Mużika.
Dan il-festival hu meqjus bħala wieħed mill-aktar festival prestiġġjuż għall-artisti lokali .. hekk kif l-ilsien Malti jiġi mżewwaq ma’ ġeneri differenti ta’ mużika, u jservi bħala pjattaforma għall-artisti Maltin li permezz tiegħu jingħaqdu flimkien u jesponu t-talenti tagħhom bil-lingwa nattiva tagħna.
