Nhar l-Erbgħa, 12 ta’ Lulju, f’Jum il-Pulizija, il-Banda tal-Korp tal-Pulizija se tkun qed itttella’ kunċert ieħor bħala parti mill-100 Sena Anniversarju mit-twaqqif tal-istess Banda, kif ukoll b’rabta mal-attivitajiet tal-209 Anniversarju mit-twaqqif tal-Korp tal-Pulizija.
Il-kunċert, “Fusion At The Fort – 100 Years of Music”, se jittella fil-Forti Sant’Iermu, il-Belt Valletta, li jibda’ fit-tmienja u nofs ta’ filgħaxija, b’risq il-Malta Community Chest Fund Foundation.
Taħt id-direzzjoni tad-Direttur tal-Banda, Maestro Anthony Cassar, il-Banda tal-Korp tal-Pulizija se tkun akkumpanjata minn diversi mistiedna speċjali, fosthom il-kantanti Ivan Grech, Ira Losco u Josuel. Mill-Italja, se tieħu sehem is-soprana u kantanta pop, Federica Caseti Balucani u t-tenur Aldo Caputo.
Bookings għal dan il-kunċert minn fuq is-sit elettroniku: https://www.showshappening.com/The-Malta-Police-Force/Fusion-at-the-Fort
