Is-sewwieq ta’ Red Bull Max Verstappen għal darb’oħra temm fl-ewwel post fil-kwalifikazzjoni tal-Grand Prix Ingliża. Fit-tieni post temm b’mod drammatiku s-sewwieq ta’ McLaren Lando Norris. Is-sewwieq Olandiż kiseb il-pole position b’differenza minima ta’ 0.241 sekonda.
Fit-tielet post temm is-sewwieq l-ieħor ta’ McLaren Oscar Piastri.
Is-sewwieqa ta’ Ferrari Charles Leclerc u Carlos Sainz se jibdew it-tellieqa fir-raba’ u ħames post rispettivament, filwaqt li s-sewwieqa ta’ Mercedes George Russell u Lewis Hamilton se jibdew fis-sitt u seba’ post.
Fit-tmien post temm is-sewwieq ta’ Williams Alex Albon, segwit minn Fernando Alonso ta’ Aston Martin.
L-aħħar sewwieq li se jibda mal-ewwel għaxra se jkun Pierre Gasly ta’ Alpine.
