Sirjan ta’ 26 sena residenti Bormla jinsab fil-periklu tal-mewt wara li weġġa’ f’sit ta’ kostruzzjoni fir-Rabat.
L-inċident seħħ il-Ħamis għall-ħabta tal-5:30pm fi Triq Alessandro Curmy, ir-Rabat.
Mill-ewwel investigazzjonijiet tal-Pulizija rriżulta li s-Sirjan kien sofra xi ġrieħi wara li waqa’ madwar sular waqt li kien qiegħed jaħdem.
Ambulanza ħadet liż-żagħżugħ l-isptar Mater Dei għall-kura meħtieġa fejn ġie ċċertifikat li qed isofri ġrieħi serji u jinsab fil-periklu tal-mewt.
L-investigazzjonijiet tal-Pulizija u tal-Awtorità għas-Saħħa u s-Sigurtà Fuq il-Post tax-Xogħol għadhom għaddejjin.
