Ħadd ma weġġa’ f’nirien li dalgħodu, għall-ħabta tas-6.30, ġew ikkawżati f’wieħed mill-uffiċini fil-Palazz ta’ San Anton. Dan tħabbar f’post fuq il-media soċjali mill-President ta’ Malta George Vella.
Fil-post tiegħu, George Vella rringrazzja lid-Dipartiment tal-Protezzjoni Ċivili, lill-Pulizija, lill-Forzi Armati ta’ Malta u l-Isptar Mater Dei għall-assistenza immedjata tagħhom.
