Birkirkara St Joseph Sports Club organizza t-tieni tellieqa tal-Kampjonati Garmin Malta Open Water Swimming. Luca Vella u Amy Micallef ħadu l-unuri tal-ġurnata fuq korsa ta’ 2km, li kienet tikkonsisti f’waħda matul il-kosta taċ-Ċirkewwa.
Din kienet l-ewwel darba li dan il-post intuża f’kampjonati ta’ dan it-tip. Luca Vella fetaħ vantaġġ fuq Sam Camilleri u Giuseppe Borg li spiċċaw fit-tieni u t-tielet post rispettivament. Vella rebaħ f’26 minuta u 35 sekonda.
Amy Micallef kompliet is-sensiela ta’ rebħiet tagħha, u spiċċat fir-raba’ post fil-klassifika ġenerali wara li rebħet fi 28 minuta u 25 sekonda. Fit-tieni post temmet Martina Micallef, segwita minn Keira Balzan Hili.
Il-midalji lir-rebbieħa ġew ippreżentati minn Mark Gaglione, f’isem Garmin Malta.
Il-Kampjonati qed isiru taħt l-awspiċji tal-Assoċjazzjoni tal-iSport Akwatiku ta’ Malta.
