Is-servizzi għall-emerġenzi fil-Kanada qed jikkumbattu mal-agħar inċidenzi ta’ nirien qalb foresta u art aħrax fiħ-żmien kollu li ilhom jinżammu r-rekords…Dan meta miet it-tielet pumpier li kien involut ma’ skwadra li qed tipprova tikkontrolla nirien kbar viċin Fort St John, fil-provinċja ta’ British Columbia.
Is-sitwazzjoni tan-nirien f’din il-provinċja saret inkontrollabbli, bir-residenti qed jispiċċaw evakwati minn zona lejn il-nofsinar imbiegħed ta’British Columbia u li hi qrib tal-Istati Uniti.
Dan meta madwar terz tan-nirien kollha li bħalissa qegħdin jaqbdu fil-Kanada jinsabu f’dik il-provinċja partikulari – bin-nirien, jew wildfires, li qabdu f’dan l-istaġun fil-Kanada jeqirdu medda ta’ territorju ekwivalenti għad-daqs tal-Korea t’Isfel jew Kuba.
Iż-żewġ pumpiera l-oħra li tilfu ħajjithom spiċċaw vittmi ta’ inċidenti separati waqt li persuna oħra, f’dan il-każ il-pilota ta’ ħelikopter li kien qed jgħin fl-isforzi għall-kontroll tan-nirien, miet wara li ġġarraf fil-provinċja ta’ Alberta. Intant, xi 613 minn fost id-990 nirien attivi fil-Kanada huma kunsidrati bħala inkontrollabbli u ta’periklu konsiderevoli għall-komunitajiet.
