L-aħħar sittax:
OLANDA………………2
AFRIKA T’ISFEL……0
F’Sydney Football Stadium, b’gowl f’kull taqsima l-Olanda għaddiet għall-kwarti tal-finali kontra avversarju li wara li eliminat lil Italja setgħet tkun xi ftit diffiċli.
Wara biss disa’ minuti kienet Jill Roord li għelbet lil Kaylin Swart sabiex l-Olanda marret fil-vantaġġ. Minkejja reazzjoni mill-Afrika t’Isfel l-iskor baqa’ dak minimu sa tmiem l-ewwel taqsima.
Fl-54 minuta gowl ta’ Lieke Martens ma kienx ikkonvalidat bil-VAR mir-referee Yoshimi Yamashita sabiex fit-68 minuta l-Olanda rduppjat.
Minn azzjoni ta’ Martens kienet Lineth Beerensteyn li għelbet lil Swart u għalqet il-partita biex poġġiet lill-Olanda fil-kwarti tal-finali tal-kompetizzjoni.
