Tard ilbieraħ filgħaxija raġel ta’ 31 sena kien arrestat f’San Ġiljan wara li fil-pussess tiegħu nstabu numru ta’ qratas b’sustanza suspettata droga kokaina u cannabis.
Is-sejba saret wara li Pulizija li kienu fuq ronda fl-inħawi ta’ Triq Santu Wistin, lemħu lir-raġel jaġixxi b’mod suspettuż hekk kif lemaħ lill-Pulizija resqin lejh. Kif ra hekk, huwa ħarab jiġri izda ġie arrestat ftit tal-ħin wara f’lukanda fil-viċin wara li kiseb aċċess minn bieb sekondarju u pprova jistaħba fiha. Hu prova jirreżisti l-arrest, bil-konsegwenza li pulizija weġġa’ ħafif.
Minn tfittxija li saret f’basket li kien qed iġorr ġew elevati 30 qartas b’sustanza allegatament
kokaina, xi qratas bi droga cannabis u xi flus kontanti.
Huwa qed jinżamm taħt arrest filwaqt li l-investigazzjonijiet mill-Pulizija għadhom għaddejjin.
