Floriana Premier CC u Fgura Darts Club se jikkontestaw il-finali tal-Kampjonat tas-Sajf organizzat mill-Malta Darts Association wara li rebħu s-semifinali rispettiva tagħhom fuq żewġ legs.
Floriana Premier CC issoprendew lil Ħamrun Bayern fl-ewwel leg meta ħarġu rebbieħa 4-2 sabiex fit-tieni leg huma ġew draw ta’ 3-3, riżultat li kien biżżejjed sabiex iwassalhom sal-finali.
Fgura Darts Club komplew bis-serje pożittiva tagħhom wara li rebħu ż-żewġ legs tat-tieni semifinali kontra Floriana MCP 5-1 u 4-2 sabiex meritatament għaddew għall-finali li għandha ssir fl-aħħar ta’ dan ix-xahar.
Floriana Premier CC u Fgura Darts Club jilagħbu fil-finali f’data li għad trid titħabbar mill-Malta Darts Association .
