Il-midfielder Brażiljan Fred ingħaqad mat-tim Tork Fenerbahce minn ma’ Manchester United għas-somma globali ta’ €10 miljuni.
Fred iffirma mar-Red Devils lura fl-2018 mingħand Shaktar Donetsk għas-somma ta’ kważi €55 miljun, fejn f’dak il-perjodu, hu lagħab 213 partita u skurja 14-il gowl.
L-istaġun li għadda Fred lagħab 56 darba mar-Red Devils fejn anka sab ix-xibka f’8 okkażjonijiet differenti, u kien parti kruċjal għat-tim ta’ Erik Ten Haag sabiex jerġa’ jikkwalifikaw għall-UEFA Champions League.
Fred temm il-karriera tiegħu ma’ Manchester United fuq nota tajba hekk kif rebaħ l-unika unur tiegħu mal-klabb l-istaġun li għadda permezz tal-League Cup kontra Newcastle United bl-iskor ta’ 2-0.
Fred huwa wieħed mill-ħafna akkwisti ġodda ta’ Fenerbahce f’dan is-suq tat-transferimenti, b’akkwisti ta’ plejers renomati bħal Cengiz Under, Sebastian Szymanski, Rodrigo Becao, Dusan Tadic, Ryan Kent, Edin Dzeko u Gustavo Henrique
