Chelsea 1-1 Liverpool
Chelsea dawru telfa f’parità ta’ 1-1 f’Stamford Bridge fl-ewwel partita tagħhom fl-istaġun kontra Liverpool.
Luis Diaz fetaħ l-iskor għar-Reds fit-18-il minuta b’xut b’saħħtu minn ġol kaxxa ‘l kbira jispiċċa fir-rokna t’isfel tax-xellug minn suġġeriment preċiż ta’ Salah.
Liverpool ħasbu li rduppjaw l-iskor ftit qabel in-nofsija logħob bil-konklużjoni ta’ Mohammed Salah tispiċċa fix-xibka, madankollu l-gowl tħassar wara li r-referee Anthonny Taylor ikkonsulta mal-VAR.
Fis-37 minuta Axel Diassi sar is-26 plejer fl-istorja ta’ Chelsea li skurja fid-debutt tiegħu hekk kif kiseb id-draw għat-tim tiegħu b’gowl permezz ta’ daqqa ta’ ras potenti minn korner mogħti minn Chilwell.
L-ewwel partita kompettitiva ta’ Mauricio Pochettino fit-tmexxija ta’ Chelsea temmiet f’riżultat rispettabbli kontra avversarju sod, bil-Blues saħansitra jkollhom l-opportunità li jmorru fil-vantaġġ ftit qabel tmiem l-ewwel taqsima bil-gowl ta’ Ben Chilwell ukoll jitħassar wara konsultazzjoni tal-VAR hekk kif kien jinsab f’pożizzjoni rregolari.
Minkejja ċ-ċansis għal Diaz u Jackson fit-tieni taqsima, l-ebda tim ma’ kien kapaċi jsib ix-xibka għall-gowl tad-draw, bir-riżultat jispiċċa fil-ħames parità konsekuttiva bejn iż-żewġ timijiet.
Brentford 2-2 Tottenham Hotspur
Fil-partita l-oħra, Tottenham Hotspur ġew miżmuma 2-2 minn Brentford fil-Gtech Community Stadium.
Mhux ir-riżultat mixtieq fl-ewwel partita fit-tmexxija ta’ Tottenham għal Agne Postecoglou, fejn Spurs urew diffikultà kbira sabiex jikkonkludi fix-xibka tal-avversarji, speċjalment wara l-bejgħ ta’ Harry Kane.
Kienu propju Tottenham li fetħu l-iskor ftit wara l-10 minuti logħob, permezz tad-difensur ċentrali Cristian Romero li għeleb lil Flekken b’daqqa ta’ ras minn kross tad-debuttant James Maddison.
Brentford għamlu l-iskor indaqs fis-26 minuta minn penalty mogħti minn Bryan Mbeumo minn foul kommess mill-goalkeeper Vicario fil-kaxxa fuq Son.
Għaxar minuti wara Brentford marru fil-vantaġġ bil-konklużjoni ċentrali ta’ Yoane Wissa tispiċċa fix-xibka minn pass ta’ Henry.
Tottenham kisbu d-draw ftit mumenti qabel tmiem l-ewwel taqsima permezz ta’ gowl mid-difensur laterali Emerson Royal b’xutt mill-isbaħ minn barra l-kaxxa, b’suġġeriment ieħor ta’ Maddison.
Logħob:
Għada: Manchester United v Wolves 9:00pm
