Iċ-champion Olimpiku u Dinji tal-400 metru tal-hurdles Sydney McLaughlin-Levrone ħabret li mhijiex se tipparteċipa fil-Kampjonat Dinji tal-Atletika f’Budapest minħabba kumplikazzjonijiet mediċi.
L-Atleta ta’ 24 sena kisbet ir-rekord Dinji fil-kategorija tal-hurdles tal-400 metru s-sena li għaddiet meta rebħet il-Kampjonat Dinji f’Eugene.
McLaughlin-Levrone stqarret li tinsab dispjaċuta ħafna li mhux se tkun tista’ tieħu sehem f’din il-kompetizzjoni, madankollu kompliet tgħid li l-kundizzjoni tagħha tinsab tajba u qed tittama li tkun aħjar sal-Olimpjadi tas-sena d-dieħla f’Pariġi.
