Bradley Zerafa kkwalifika bħala plejer seeded għal żewġ kompetizzjonijiet internazzjonali tal-Wheelchairs Para Darts. Huwa kkwalifika għal World Para Darts Masters 2023 u l-World Para Darts Championships 2023. Dawn iż-żewġ kompetizzjonijiet se jsiru bejn it-3 u l-4 ta’ Diċembru li ġej f’Essex fl-Ingilterra. Bradley Zerafa, li ilu jilgħab id-darts għal dawn l-aħħar 13-il xahar, huwa wettaq progress enormi dan l-aħħar u mar ferm tajjeb f’diversi kompetizzjonijiet internazzjonali li ħa sehem fihom.
Sal-aħħar tax-xahar li għadda, Zerafa żamm is-seba’ pożizzjoni minn 54 plejer fir-ranking dinji fejn kellu total ta’ 234 punt. Fix-xhur li għaddew wara li f’Marzu 2022 rebaħ l-Open Para Darts tal-Ungerija f’Budapest, f’Mejju 2022 ħa sehem fis-Sogaard Open tad-Danimarka bl-aħħar partecipazzjoni internazzjoni tkun fil-BDDA Classic Open f’Essex l-Ingilterra.
