Il-kumpanija Maltapost ħabbret li l-prezz tal-posta żdied b’ċenteżmu għal 38 ċenteżmu, waqt li l-ittri li jintbagħtu barra minn Malta żdiedu b’10 ċenteżmi għal €1.50.
Kien hemm żieda wkoll fil-prezzijiet tal-ittri b’piż akbar, li għal Malta żdiedu b’ċenteżmu f’kull kategorija.
Dawn ir-rati l-ġodda se jkunu effettivi minn nhar it-Tnejn 28 t’Awwissu.
Din hi t-tieni darba li l-posta għoliet f’sena.
L-aħħar darba li żdiedu l-prezzijiet, il-prezz tal-posta ta’ Malta kien żdied b’seba ċenteżmi.
