Il-Malta Taekwondo Association organizzat kamp ta’ taħrig li kien immexxi minn Steven Turner, wieħed mill-aqwa coaches internazzjonali li kien responsabbli wkoll għal bosta snin għal preparazzjoni ta’ Aaron Cooke, wieħed mill-aqwa atleti fit-taekwondo fid-dinja.
Fil-Kamp ta’ Taħriġ flimkien, ma’ tmien atleti żgħażagħ minn GB Taekwondo tar-Renju Unit, ipparteċipaw membri minn tlett klabbs lokali affiljati mal-Malta Taekwondo Association, Taekwondo League, Birżebbugia Taekwondo u Dragon Taekwondo.
Waqt is-sessjonijiet li saru fil-kwartieri ta’ Taekwondo League f’Santa Vennera, Steve Turner mexxa sessjonijiet ta’ sparring li varjaw minn dawk għal atleti stabbiliti u oħrajn fil-livelli ta’ cadets, żgħażagħ u l-kategorija tal-kbar.
Il-kamp ta’ taħriġ iffoka fuq il-preparazzjoni teknika u l-iżvilupp li qed isir fit-taekwondo, kif ikkummentat ukoll il-President tal-Malta Taekwondo Association Anna Vassallo, fejn il-parteċipanti li varjaw minn età ta’ seba’ snin sa dak stabbiliti fit-taekwondo lokali kellhom iċ-ċans li permezz ta’ Steven Turner iwettqu fil-prattika l-aħħar teknika f’dan l-isport.
