BIRŻEBBUĠA FREEPORT…….. 11
TA’ XBIEX AMIGOS……………… 8
(2-2), (4-3), (1-0), (4-3)
Birżebbuġa Freeport huma l-ewwel tim li se jikkontesta l-finali tal-play-offs għar-rebħ tal-Ewwel Diviżjoni. Minħabba li spiċċaw il-kampjonat regolari mal-ewwel tnejn huma kellhom diġà vantaġġ ta’ 1-0 fis-serje tal-aqwa minn tlieta.
Ironikament Ta’ Xbiex Amigos bdew b’vantaġġ doppju permezz ta’ Ryan Mock u Mattias Ortoleva sakemm Birżebbuġa rkupraw l-iżvantaġġ sa tmiem l-ewwel sessjoni.
It-tim ta’ Pierre Borg ħa vantaġġ ta’ 5-3 fit-tieni sessjoni b’gowls ta’ Peter Borg u Darko Brguljan, distakk li Ta’ Xbiex qatt ma rkuprawh. Dan minkejja li Ta’ Xbiex resqu darbtejn gowl bogħod tul is-sessjoni.
Fil-mument li kienet mistennija risposta minn Ta’ Xbiex, naqsu li jagħmlu dan. Kienet doppjetta ta’ Keith Tanti fil-bidu tal-aħħar sessjoni li għamlet ir-riżultat 9-5 u wittiet it-triq għar-rebħa. Ta’ Xbiex pruvaw jibqgħu fil-logħba iżda aktar ma beda jgħaddi l-ħin, aktar naqqsu t-tamiet ta’ rimonta.
Birżebbuġa: M. Sladden, P. Borg (1), N. Cassar (1), B. Grech (1), D. Brguljan (2), M. Manara, S. Bezzina, D. Cutajar, B. Erdelyi (3), K. Tanti (3), G. Mannino, M. Curmi, C.D. Borg, J. Sciberras, D. Farrugia
Ta’ Xbiex: M. Vassallo, N. Schiavone (1), L. Montebello Brownrigg, L. Grech Carr, K. Grech, R. Mock (2), J. Saliba, K. Milakovic (1), U. Vasic (1), J. Culic, Z. Bartolo, J. Farrugia, M. Ortoleva (1), K. Agius (2)
Referees: Luca Bianco, Stefan Licari
MARSAXLOKK BROWN’S……… 13
EXILES WELBEE’S…………………… 19
(0-3), (5-6), (3-5), (5-5)
Exiles Welbee’s sfurzaw it-tielet logħba mis-semifinali tal-play-offs b’rebħa kontra Marsaxlokk Brown’s. Ir-rebbieħa tan-knock-out kienu bħal Birżebbuġa rebħa bogħod mill-finali kawża tat-tieni post fil-kampjonat regolari. Madankollu qatt ma rkupraw minn bidu negattiv, b’Exiles ikunu aktar determinati li jiksbu r-rebħa.
Gowl ta’ Mark Fenech u doppjetta ta’ Kurt Griscti fl-ewwel sessjoni taw vantaġġ ta’ 3-0 lil Exiles. Il-vantaġġ kiber għal 6-1 bil-logħba ta’ Nikola Moskov għal Marsaxlokk tintemm wara sessjoni u nofs bit-tielet tkeċċija personali.
Marsaxlokk wettqu reazzjoni u saħansitra naqqsu d-distakk għal 7-5 iżda gowls minn Valentino Gallo u Guillermo Molina fl-aħħar minuta tas-sessjoni qatgħu saqajn l-avversarji.
Fit-tieni parti tal-logħba, Exiles komplew jikkontrollaw il-logħba, b’Molina u Gallo jiskorjaw doppjetta kull wieħed fit-tielet sessjoni. L-istess Gallo skorja tnejn mill-ħames gowls ta’ Exiles fl-aħħar sessjoni biex spiċċa l-aqwa skorer.
Marsaxlokk: Mi. Farrugia, E. Bonnici, B. Zammit, Ma. Farrugia, N. Moskov, J. Valletta (1), M. Zammit (1), M. Aquilina, R. Galea (2), S. Misic (2), J. Borg Tabone, L. Mallia (5), S. Mifsud, A. Cook (2), J. Pawley
Exiles: M. Castillo, Z. Cutajar Licari (2), Z. Micallef, V. Gallo (7), G. Molina (3), M. Fenech (1), K. Griscti (3), N. Paris, M. Martellacci (2), M. Aquilina (1), N. Saliba, F. Buhagiar, M. Paris Roding, L. Pursehouse
Referees: Luca Bianco, Neville Mercieca
