F’Budapest, fl-Ungerija fir-raba’ ġurnata tal-Kampjonati tad-Dinja tal-Atletika, aktar finali u aktar konferma minn ċerti atleti li kienu protagonisti fl-Olimpijadi ta’ Tokjo.
Fil-finali tal-1,500 metru tan-nisa fl-ewwel post Faith Kipyegon tal-Kenja li għamlet id-distanza fi 3 minuti 53.87 sekondi qabel Diribe Weltiji tal-Etjopja bi 3 minuti 55.69 sekondi filwaqt li fit-tielet post daħlet Sifan Hassan tal-Olanda fi 3 minuti u 56 sekonda.
Fil-finali tal-high jump tal-irġiel bl-ewwel qabża ta’ 2.36 metri, Gianmarco Tamberi tal-Italja kkonferma l-midalja tad-deheb ta’ Tokjo. Bi 2.36 metri wkoll, iżda bit-tieni tentattiv temm Ju Vaughn Harrison tal-Istati Uniti filwaqt li fit-tielet post bi 2.33 metri temm Mutaz Essa Barshim tal-Qatar.
