Il-plejer internazzjonali Spanjol Aymeric Laporte huwa l-plejer riċenti li ħalla l-Ewropa għall-avventura fl-Arabja Sawdija, hekk kif ingħaqad ma’ Al Nassr, it-tim li ħasad id-dinja meta akkwista lil Cristano Ronaldo lura f’Jannar li għadda.
Laporte se jħalli lis-Citizens wara iktar minn ħames snin ta’ servizz mal-klabb, fejn rebaħ 12-il tazza u lagħab 180 partita.
Skont rapporti mill-midja internazzjonali, is-somma tat-transferiment hija viċin it- €28 miljun.
Id-difensur ingħaqad ma’ Manchester City lura f’Jannar tal-2018 għas-somma ta’ €67 miljun, li dak iż-żmien kienet ikkunsidirata bħala l-ogħla somma li ħalsu s-Citizens għal plejer fl-istorja tagħhom.
