Anzjan ta’ 63 sena residenti n-Naxxar weġġa’ gravi wara li ntlaqat minn karozza fil-Mosta.
L-inċident seħħ il-Ġimgħa waranofsinhar għall-ħabta tat-3:00 fi Triq il-Ballut.
Mill-ewwel investigazzjoni li saret irriżulta li l-anzjan ittajjar minn karozza misjuqa minn anzjana ta’ 74 sena residenti Birżebbuġa.
L-anzjan ingħata l-għajnuna minn tim mediku u ttieħed l-isptar b’ambulanza fejn aktar tard ġie ċċertifikat bi ġrieħi gravi.
L-investigazzjonijiet mill-Pulizija għadhom għaddejjin.
