Raġel li l-identità tiegħu għadha mhux magħrufa tilef ħajtu wara li sfortunatament sab ruħu f’diffikultà fil-baħar fl-inħawi tax-Xatt ta’ Qui-Si-Sana, Tas-Sliema.
Il-każ seħħ illum waranofsinhar għall-ħabta tas-siegħa u nofs.
Immedjatmanet fuq il-post waslu l-Pulizija kif ukoll ambulanza fejn ir-raġel ngħata l-għajnuna minn minn tim mediku u ttieħed l-Isptar Mater Dei għall-kura meħtieġa.
Sfortunatament, huwa ġie ċċertifikat mejjet ftit tal-ħin wara.
Il-Maġistrat tal-Għassa Noel Bartolo ġie infurmat bil-każ u ħatar inkjesta. L-investigazzjonijiet tal-Pulizija għadhom għaddejjin.
