Napoli v Sassuolo 2-0
Napoli komplew fejn ħallew fl-aħħar partita b’rebħa ta’ 2-0 kontra Sassuolo fil-Diego Armando Maradona.
Victor Osimhen skurja l-ewwel gowl tal-partita permezz ta’ penalty li wasal minn foul kommess fuq Politano.
Fil-51 minuta, Sassuolo spiċċaw jilagħbu b’10 wara li tkeċċa l-midfielder Maxime Lopez wara li kellu xi jgħid mar-referee.
Napoli rduppjaw l-iskor fil-64 minuta minn gowl tad-difensur laterali u captain Giovanni Di Lorenzo minn suġġeriment tal-attakkant Kvaratskhelia.
Juventus v Bologna 1-1
Juventus ġew miżmuma 1-1 minn Bologna fl-Allianz Stadium b’gowl f’kull taqsima.
Kienu Bologna li ħasdu lill-avversarji meta fetħu l-iskor fil-24 minuta permezz tal-midfielder Skoċċiż Lewis Ferguson li għeleb lil Perin minn pass ta’ Zirkzee.
Il Bianconeri ħasbu li kisbu d-draw fil-54 minuta permezz ta’ gowl mħassar ta’ Dusan Vlahovic wara konsultazzjoni tal-VAR sabet li l-gowl wasal minn pożizzjoni rregolari.
Fit-80 minuta Dusan Vlahovic għal darb’oħra sab ix-xibka, din id-darba b’daqqa ta’ ras mis-sostitut Illing-Jr u għamel l-iskor indaqs.
Fiorentina v Lecce 2-2
Parità oħra din id-darba bejn Fiorentina u Lecce bl-iskor finali jkun 2-2. Lecce rnexxielhom jdawwru telfa f’rebħa b’żewġ gowls fit-tieni taqsima.
Nico Gonzalez fetaħ l-iskor għal Fiorentina wara biss 3 minuti logħob minn korner tal-midfielder Duncan.
Fiorentina rduppjaw l-iskor fil-25 minuta b’din id-darba Alfed Duncan ikun l-awtur tal-gowl minn pass ta’ Arthur.
Lecce skurjaw gowl kmieni fit-tieni taqsima minn żball ta’ Arthur, bl-attakkant Hamza Rafa ma jaħfirx u jegħleb lil Christensen.
Lecce kisbu d-draw fil-75 minuta permezz ta’ gowl minn Nikola Krstovic mill-kross preċiż ta’ Banda.
Lazio v Genoa 0-1
Lazio sofrew telfa minima fi Stadio Olimpico kontra Genoa b’gowl ta’ Mateo Retegui wara 18-il minuta logħob jiddeċieda l-partita.
Il-gowl wasal minn save ta’ Provedel mill-ewwel konklużjoni ta’ Frendrup, bl-attakkant Taljan jitħol fil-kaxxa u jixħet ġewwa.
Is-Sibt: Monza v Empoli 2-0, Frosinone v Atalanta 2-1, Verona v Roma 2-1, Milan v Torino 4-1
Il-Ħadd: Juventus v Bologna 1-1, Fiorentina v Lecce 2-2, Lazio v Genoa 0-1, Napoli v Sassuolo 2-0
Għada: Salernitana v Udinese 6:30pm, Cagliari v Inter 8:45pm
