Il-plejer internazzjonali Malti Teddy Teuma kien protagonista b’żewġ gowls u assist fir-rebħa ta’ Reims kontra Montpellier ta’ 3-1.
L-ewwel involviment li kellu Teuma fil-partita wasal wara 8 minuti logħob hekk kif kien l-awtur tal-assist mogħti lil Abdelhamid li fetaħ l-iskor għal Reims.
Teuma sab ix-xibka għall-ewwel gowl tiegħu mal-klabb b’freekick mill-isbaħ mil-lemin fil-41 minuta. Konklużjoni pinġuta bix-xellug tispiċċa fir-rokna ta’ fuq tal-lemin.
Wara li Montepellier kisbu gowl lura fit-tieni taqsima, Reims kabbru d-distakk permezz ta’ gowl ieħor ta’ Teuma, b’gowl ieħor impressjonanti minn barra l-kaxxa.
Teuma ngħaqad ma’ Stade de Reims f’Lulju li għadda minn Union Saint-Gilloise.
