Newcastle United v Liverpool 1-2
Partita drammatika għall-aħħar f’St.James’ Park bejn Newcastle United u Liverpool hekk kif ir-Reds ħarġu rebbieħa 2-1 b’għaxar plejers b’żewġ gowls ta’ Darwin Nunez fl-aħħar mumenti tal-partita.
Kienu Newcastle li fetħu l-iskor l-ewwel permezz ta’ l-ex attakkant ta’ Everton Anthoy Gordon wara li kkapitalizza fuq l-iżball ta’ Alexander Arnold u għeleb lil Alison.
Tlett minuti wara Liverpool spiċċaw jilagħbu b’għaxra hekk kif tkeċċa l-captain u d-difensur ċentrali Virgil Van Dijk wara daħla kerha fuq Isak.
Liverpool kisbu d-draw permezz tal-ewwel gowl tal-attakkant Urugwajan Darwin Nunez b’xutt b’saħħtu fil-baxx fil-81 minuta.
Fl-aħħar mumenti tal-partita Darwin Nunez kiseb id-doppjetta personali tiegħu u skurja l-gowl tar-rebħa minn suġġeriment ta’ Salah.
Sheffield United v Manchester City 1-2
Gowl deċiżiv fl-aħħar minuti tal-midfielder Rodri ċaħad lil Sheffield United mill-ewwel punt tagħhom f’dan l-istaġun hekk kif is-Citizens ħarġu rebbieħa bl-iskor ta’ 2-1.
Erling Haaland sab ix-xibka għal darb’oħra fit-63 minuta sabiex fetaħ l-iskor tal-partita b’daqqa ta’ ras potenti mill-kross preċiż ta’ Grealish mix-xellug.
Il-Blades ħasdu liċ-champions meta kisbu d-draw permezz ta’ Jayden Boogle fil-85 minuta b’xutt b’saħħtu, madankollu konklużjoni fir-rokna ta’ fuq tax-xellug ta’ Rodri ftit minuti tat ir-rebħa missielta lil Manchester City.
Burnley v Aston Villa 1-3
Żewġ gowls tad-difensur laterali Matty Cash fl-ewwel taqsima kienu deċiżivi għal Aston Villa fir-rebħa ta’ 3-1 kontra Burnley fit-Turf Moor Stadium.
Prestazzjoni tajba mill-Villians kontra skwadra li għada ma ġabritx l-ewwel punti tagħha fil-kampjonat din is-sena.
Matty Cash fetaħ l-iskor wara biss 7 minuti logħob minn suġġeriment ta’ Watkins, bit-tieni gowl jasal fl-20 minuta b’konklużjoni mill-isbaħ mid-difensur internazzjonali Pollakk.
Burnely ħarġu fuq l-offensiva fit-tieni taqsima fejn saħansitra sabu x-xibka għall-gowl li eventwalment kien biss ta’ konsolazzjoni. L-awtur tal-gowl kien Lyle Foster li għeleb lil Martinez b’konklużjoni kalma.
Aston Villa kkonkludew il-partita bit-tielet gowl fil-61 minuta b’gowl ieħor mid-difiża, b’din id-darba Lucas Digne jsib ix-xibka għat-tim tiegħu.
Riżultati:
Il-Ġimgħa: Chelsea v Luton Town 3-0
Is-Sibt: Bournemouth v Tottenham 0-2, Manchester Utd v Nottingham Forest 3-2, Everton v Wolves 0-1, Brentford v Crystal Palace 1-1, Arsenal v Fulham 2-2, Brighton v West Ham United 1-3
Illum: Sheffield United v Manchester City 1-2, Burnley v Aston Villa 1-3, Newcastle United v Liverpool 1-2
