Id-difensur veteran Spanjol Sergio Ramos irritorna lura ma’ Sevilla wara li ħalla l-klabb 18-il sena ilu sabiex ingħaqad ma’ Real Madrid, il-klabb li l-iktar għamel suċċessi magħhom. Fl-aħħar sentejn Ramos kien qiegħed jilagħab maċ-champions ta’ Franza PSG.
Ramos ingħaqad fl-akkademja ta’ Sevilla meta kellu biss 7 snin, u għamel id-debutt mal-klabb fl-2004.
Fl-2005 Ramos iffirma ma’ Los Blancos, fejn għamel il-maġġoranza tal-karriera tiegħu. F’sittax il-sena ma’ Real Madrid huwa rebaħ 4 UEFA Champions Leagues u 5 La Ligas. Ramos lagħab total ta’ 671 partita skorja f’101 okkażjoni.
L-iktar avventura riċenti ta’ Ramos kienet dik ma’ PSG hekk kif ingħaqad ma’ Les Parisians fl-2021. F’żewġ staġuni ma’ PSG huwa lagħab 49 partita u rebaħ żewġ Ligue 1 konsekuttivi.
Sergio Ramos iffirma ma’ Sevilla hekk kif intemm il-kuntratt tiegħu ma’ PSG, bid-difensur ċentrali jiffirma kuntratt ta’ sena mat-tim ta’ tfulitu.
